Надоместоци

[1] извештајот содржи податоци за промените (трговски трансакции и нетрговски преноси) со хартии од вредност издадени под одреден ISIN за период определен од страна на издавачот

[2] извештајот содржи податоци за состојбите евидентирани во акционерската книга на издавачот согласно барањето на издавачот

[3] Извештајот содржи податоци за бројот на акции, бројот на гласови и процент од вкупниот број издадени акции по ISIN, на имателите на акциите, структурирани по број на акции со право на глас, а кои не се ограничени во правото на глас и не се сопствени акции на Издавачот. Извештајот содржи и податоци за бројот на акции со ограничено право на глас на имателот на акциите и бројот на сопствените акции на издавачот. Состојбата за правата на глас содржана во овој извештај е согласно евиденцијата на ЦДХВ регистрирана на сметките за хартии од вредност на имателите (со исклучок на хартии од вредност евидентирани на збирни сметки за хартии од вредност кога во извештајот е содржан податок за имателот на збирната сметка и сопствените акции на издавачите) и истата е од информативна природа. Правата на глас се остваруваат во согласност со одредбите на Законот за трговски друштва

[4] Услугата опфаќа прифаќање и обработка на податоците во нематеријализиран облик, упис на податоците за Издавачот, емисиите и сопствениците на хартии од вредност .

[5] Надоместокот се пресметува врз основа на износот на номиналната вредност на издадените акции на издавачот со состојба на последниот ден од претходната календарска година. Доколку вредноста на издадените акции на акционерското друштво е изразена во валута различна од денари, за целите на пресметката на висината на основната главнина се зема средниот курс на валутата објавен од НБРМ на 31.12. од претходната година. Оваа тарифна ставка не се применува за акционерските друштва кои потпаѓаат под одредбите на тарифните ставки за друштва со пасивен статус.

[6] Број на сметки со состојба на 31.12 претходната година.

[7] Оваа услуга опфаќа: намалување на основната главнина на друштвото со повлекување/поништување на акции, поништување на акции без намалување на основната главнина, спојување, припојување или поделба на друштва, спојување или поделба на акции, надомест за распределба на дивиденда во акции и други корпоративни активности на ниво на сметка на имател

[8] Оваа услуга опфаќа: намалување на основната главнина на друштвото со намалување на номиналната вредност по акција, промена на валута на хартиите од вредност,

[9] Оваа услуга опфаќа: пресметка на дивиденда во пари, пресметка на главница и/или камата на обврзници.

[10] Оваа услуга опфаќа: исплата на дивиденда во пари, исплата на главница и/или камата од обврзници.

[11] Надоместокот се пресметува според просечна пазарна капитализација на хартиите од вредност од тој ISIN за последните 92 календарски денови од претходната календарска година (се пресметува просек на цените реализирани на пазарот во периодот 1.10-31.12 за претходната година и истиот се множи со бројот на сите долгорочни должнички хартии од вредност издадени под тој ISIN). Доколку во 92-те календарски денови не се тргувало со хартиите од вредност од тој ISIN, услугата на водење на евиденција за хартиите од вредност во нематеријален облик се пресметува по тарифна ставка 1.1.6 од Тарифата, објаснети под точка (12).

[12] Надоместокот се пресметува врз основа на износот на номиналната вредност на сите долгорочни должнички хартии од вредност издадени под тој ISIN.

[13] Број на сметки по ISIN со состојба на 31.12 претходната година.

[14] За дефинирање на друштвата со пасивен статус се применуваат одредбите од Правилата за работа на ЦДХВ. За овие друштва не се наплаќа по тарифни ставки 1.1.2 и1.1.3 од Тарифата објаснети под точка (5) и (6).

Денарски трансакциски сметки на Централниот депозитар за хартии од вредностза уплати.

За услугите што ги извршува Депозитарот наплатува надоместоци согласно со својата Тарифа, акт што подлежи на согласност од Комисијата за хартии од вредност на Република Северна Македонија.